Central Momacuepalisti huan Taxtahuili

Romanos 12:14	Xijtajtanica Toteco ma quintiochihua masehualme cati amechtatzacuiltíaj. Quena, xijtajtanica ma quinchihuili cati cuali, amo xijtajtanica ma quintelchihua.
Romanos 12:19	Noicnihua cati nimechicnelía. Amo quema ximomacuepaca ica cati amechchihuilijtoque cati amo cuali. Xijcahuilica Toteco ma quintatzacuilti. Pampa ijcuilijtoc ipan Icamanal campa Toteco quiijto: “Na notequi para niquincuepilis masehualme cati fiero quichihuaj, huan quena, niquincuepilis.”
1 Tesalonicenses 5:15	Xijtachilica para amo aqui ma quicuepili seyoc cati amo cuali quichihuilijtoc. Nochipa xijchihuaca campeca ximochihuilica cati cuali se ica sequinoc huan ica nochi sequinoc masehualme.
Santiago 4:11	Noicnihua, amo ximotaijilhuica se ica seyoc. Sinta se acajya quitaijilhuía iicni ipan Cristo huan quitocaxtía amo cuali, huajca quitaijilhuía itanahuatil Toteco cati techilhuía ma timoicnelica, huan quitocaxtía nopa tanahuatili amo cuali. Pero tojuanti amo tijpiyaj totequi para tijtajtolsencahuase nopa tanahuatili, huan tiquijtose sinta cuali o amo cuali. Tojuanti totequi para tijneltocase cati nopa tanahuatili technahuatía.
Salmos 79:10	Pampa sinta amo techpalehuis, huajca nopa masehualme cati amo mitzneltocaj quiijtose: “¿Canque itztoc ininTeco Dios?” Huajca xiquintatzacuilti, Toteco, iniixpa nochi masehualme, pampa quinmictijque momasehualhua.

Ximomachti	Xijtemo Más	Xijcaqui	Xijtlachili
2 Tesalonicenses 1:5-10 Romanos 12:17-21 Salmos 18:46-49 Mateo 5:38-48 Mateo 5:11-12