Central Conecuic

Salmos 139:13-16	Ta tijsencajqui sesen tamanti cati onca iijtic notacayo. Huan quema niitztoya iijtico nonana, tijmotzquilti sesen tamanti cati nijpiya. Nimitztascamati pampa techsencajqui ma nieli se tamanti cati nelía cuajcualtzi. Quena, nopa tequit cati tijchijqui quema techsencajqui nel pano yejyectzi, San nijtetzaita para nimoilhuis ten nochi cati ta tijchijtoc ipan notacayo. Ta techtachilijtoya quema na nipejqui nimoscaltía nel nimotatijtoya ten nochi sequinoc ipan iijtico nonana. Quema amo aqui más quitachilijtoya, ta techchijchijqui ica mohueyi yajatil, quej se cati cuali quimati taxinepalohua. Ta techitac quema ayemo nitacatiyaya. Huan quema ayemo nitaijyotilanayaya, tiquixquetzqui quesqui tonali niitztosquía. Huan sesen tonali cati niitztosquía huan taya nopantis, ta tiquijcuilo ipan moamatapohual.
Juan 16:21-24	Quema se sihuat quinequi quitacatiltis icone, taijyohuía pampa ajsic nopa hora para tacuajcualoli, pero quema ya tacatqui icone, ayecmo moilhuis sinta taijyohui pampa nelía paqui para quiitas icone cati tacatqui. San se elis ica amojuanti. Ama anmotequipachohuaj, pero sempa timoitase huan nelía anyolpaquise, huan amo aqui huelis amechquixtilis amopaquilis. “Quema ajsis nopa tonali quema niitztos ihuaya Toteco, ayecmo teno monequis antechtajtanise na. Nelía nimechilhuía ipan nopa tonali ya huelis anyase xitahuac ica noTata huan nochi cati anquitajtanise ya ipan notoca , yaya amechmacas. Hasta ama ayemo teno anquitajtanijtoque noTata ipan notoca . Pero ama xijtajtanica huan anquiselise para nelía anyolpactose.
1 Pedro 5:7	Xiquilhuica Toteco nochi amotequipachol huan xijcahuaca imaco, pampa yaya amechmocuitahuía.
Filipenses 4:6-7	Ayecmo ximotequipachoca ica yon se tamanti. Más cuali ximotatajtica ica Toteco ipan nochi cati amechpanotihuala. Xijtajtanica ma amechmaca nochi cati monequi huan xijtascamatica ica nochi cati amechchihuilijtoc. Sinta quej nopa anquichihuaj, Toteco amechmacas se tasehuilisti ipan amoyolo cati masehualme amo hueli quimachilise. Huan nopa tasehuilisti quiyahualtzacuas amoyolo huan amotalnamiquilis huan quinmocuitahuis pampa Toteco amechtatzquiltijtoc ipan Cristo.
Jeremías 29:11	Pampa na nijmati cuali nopa tamanti cati nijsencajtoc para amojuanti,” quiijtohua TOTECO. “Nijsencajtoc cati cuali huan amo aqui fiero, para nochi quisas cuali para amojuanti teipa huan para anquiselise cati anquichiyaj.
Isaías 41:10	Amo ximajmahuica pampa na niitztoc amohuaya. Amo ximocuesoca pampa na niamoTeco. Nimechfuerzajmacas. Nimechpalehuis huan nimechmaitzquitos ica nonejmat cati ica nitatani.
Éxodo 20:13	Amo xitemictica.
Salmos 18:2	TOTECO, ipan ta nimotatía pampa temachti techmaquixtis. Techyahualojtoc para amo huelis nechajsise nocualancaitacahua. Ta tinotamanahuijca. Ipan ta, noTeco Dios, nimotatía, pampa na niitztoc momaco. Quena, san ipan ta nimotemachía. Ta techyahualojtoc para techmocuitahuía. Ta tieli quej se huejcapantic tepancali cati cuali huan temachti. Ica ta mochicahualis nitatanis.
Salmos 127:3-4	Toconehua itztoque se nemacti ten TOTECO. Quena, cati tacatij ten totacayo eltoc quej se tatancayot. Nopa coneme cati se quinpiya quema noja se telpoca tacat, itztoque quej miyac cuataminti cati quintequihuía se soldado para ica momanahuis ipan tatehuilisti.
Romanos 8:28	Huan tijmatij nochi tamanti cati techpanotihuala, masque cuali o amo cuali, nochi quisas cuali para tojuanti cati tiquicnelíaj Toteco, cati Toteco technotztoc para tiiaxcahua pampa quiyampa quitalijtoya.
Mateo 18:5	Huan cati quiselía se conet ipan notoca nechselía nojquiya.
Isaías 49:15	“¿Huelis se tenantzi hueli quitahuelcahuas ipilcone? ¿Amo quitasojta cati quitacatilti? Masque se tenantzi huelisquía quielcahuasquía icone, na amo quema niquelcahuas altepet Jerusalén, yon amojuanti cati anehuani nopona.
2 Timoteo 1:7	Pampa nopa tonaltzi cati Toteco techmacatoc amo techchihua ma timajmahuica. Yaya techmaca chicahualisti. Techchihua ma tiquinicnelica masehualme huan ma tijpiyaca cuali totalnamiquilis.
Josué 1:7	San ximoyoltetili huan ximoyolchicahua. Ximomocuitahui para tijchihuas nochi nopa tanahuatilme cati notequipanojca Moisés mitzmacatejqui. Huan sinta tijchihuas nochi quej cati eltoc ipan nopa tanahuatilme, huajca nochi cati tijchihuas quisas cuali.
Filipenses 4:11-14	Amo nimechilhuía para nimotequipachohuayaya pampa nechpolohuayaya ten ica nipanos. Ya nimomatqui para nijpiyas paquilisti ica ten hueli cati nechpanotihuala. Nipaqui quema tahuel pilquentzi nijpiya ten ica nipanos huan nojquiya nipaqui quema nijpiya hasta mocahua. Nipaqui quema nimayana huan quema niixhuitoc. Nipactoc ica miyac o ica pilquentzi. Nochi nihueli nijchihua pampa Cristo nechmaca chicahualisti. Pero masque nipaqui ica cati onca, anquichijtoque cuali quema antechpalehuijque ipan ni taohuijcayot.
Salmos 113:9	Yaya quichihua para nopa sihuat cati amo quema conepixqui ma quinpiya iconehua huan ichaj.
Salmos 128:1-6	Nelía paqui nopa masehuali cati quiimacasi huan quitepanita TOTECO. Quena, paqui cati nemi xitahuac ipan iojhui. Quiselis itaxtahuil pampa tequiti cuali. Yaya paquis miyac huan nochi cati quichihuas quisas cuali. Isihua paquis ipan ichaj. Yaya elis quej se cuali xocomeca tzonti cati achi más quimocuitahuíaj huan cati temaca miyac itajca. Quinpiyas miyac ininconehua cati mosehuise campa imesa huan quipiyase miyac chicahualisti. Quena, itztose quej olivo cuame cati nelía cuali. Quej nopa TOTECO quitiochihuas nopa tacat cati quiimacasi huan quitepanita. TOTECO quitiochihuas ten altepet Sion. Quicahuilis ma quiita para nochi eltoc cuali ipan Jerusalén nochi tonali ten inemilis. Quicahuilis para itztos hasta quinitas iixhuihua. ¡Toteco quimacas tasehuilisti nopa tali Israel!
Santiago 1:2-4	Noicnihua, xipaquica miyac quema amechpanotihuala miyac tamanti taohuijcayot. Anquimatij para nopa taohuijcayot quiyejyecohua amotaneltoquilis huan quichihua para más xijpiyaca amoyolo para antaijyohuise. Huajca xijpiyaca amoyolo para cuali anquiijyohuise nochi cati amechpanotihuala para anelise quej masehualme cati moscaltijtoque huan motacachijtoque ipan Toteco. Huan quej nopa anquipiyase senquisa cuali amotalnamiquilis huan amo teno amechpolos.
Romanos 5:3-5	Huan amo san ya nopa, nojquiya tijpiyaj paquilisti quema tijpanoj taohuijcayot, pampa tijmatij taohuijcayot techpalehuía para achi más tijpiyase toyolo ica nochi tamanti cati techpanotihuala. Huan sinta tijpiyaj toyolo ica cati techpanotihuala, techmaca tetili. Huan nopa tetili techchihua para más timotemachise para tijselise nochi cati Toteco techtencahuilijtoc. Huan quema timotemachíaj ipan Toteco, yaya amo techcajcayahua. Temachti tijselise nochi cati tijchiyaj pampa tijmatij tahuel miyac Toteco techicnelía pampa techmacatoc Itonal Toteco para quitemitis toyolo ica itaicnelijcayo.
2 Corintios 2:9	Achtohui quema nimechtajcuilhui para xijtatzacuiltica, nojquiya nijnequiyaya nimechyejyecos para niquitas sinta anquichihuasquíaj nochi cati nimechilhui o amo. Huan, quena, antechneltocaque.
Isaías 26:3-4	TOTECO, mojmosta tiquinmacas yoltasehuilisti nopa masehualme cati motemachíaj ipan ta, nochi cati quisenhuiquilíaj mitztemohuaj. Tayohua tonaya ximotemachica ipan TOTECO pampa san yaya TOTECO Cati Más Quipiya Tanahuatili huelis amechmanahuis para nochipa.
Salmos 27:13-14	Pero na cuali nijmati TOTECO nechmanahuis, huan sempa niquitas quenicatza cuali iyolo ica na ipan ni taltipacti campa niitztoc. Ximochiya ipan TOTECO. Ximosemaca huan ximoyolchicahua huan amo ximomajmati. Quena, ximotemachi ipan TOTECO.
Salmos 100:3	Xijmatica cuali para TOTECO, yaya Toteco Dios. Yaya techchijchijqui. Amo timochijchijtoque tojuanti. Tojuanti tiimasehualhua huan tiitztoque quej tiiborregojhua cati techpixtoc ipan ipotrero para techmocuitahuis.

Ximomachti	Xijtemo Más	Xijcaqui	Xijtlachili
Salmos 127 Lucas 18:15-16 Mateo 18:1-5 Jeremías 1 Éxodo 2:1-10 Génesis 18:1-15, 21:1-7 1 Samuel 1:1-2:11 Marcos 10:13-16 Mateo 1:18-25 Lucas 1:5-2:21 Éxodo 21:22-25