| Proverbios 3:5-6 | Ximotemachi ipan TOTECO ica nochi moyolo. Amo xijtoquili san cati motalnamiquilis mitzilhuía. Ximoilhui taya ipaquilis TOTECO ipan nochi tamanti cati tijchihuasnequi, huan yaya mitzyacanas ipan se ojti cati xitahuac. |
|
| Salmos 27:14 | Ximochiya ipan TOTECO.
Ximosemaca huan ximoyolchicahua huan amo ximomajmati.
Quena, ximotemachi ipan TOTECO. |
|
| Romanos 15:13 | Ma Toteco Dios ipan cati timochiyaj, amechmaca hueyi paquilisti, huan hueyi tasehuilisti pampa anquineltocaj. Huan achi más ximotemachica ipan ya pampa Itonal Toteco amechmacatiyas ichicahualis. |
|
| Salmos 16:8 | Nochipa nimoilhuía ten ta, TOTECO,
huan pampa tiitztoc nonechca, amo teno nopantis. |
|
| Isaías 41:10 | Amo ximajmahuica pampa na niitztoc amohuaya. Amo ximocuesoca pampa na niamoTeco. Nimechfuerzajmacas. Nimechpalehuis huan nimechmaitzquitos ica nonejmat cati ica nitatani. |
|
| Salmos 91:1-2 | Cati motatzquilijtoc ipan Toteco Dios Cati Más Hueyi itztos temachti imaco,
pampa mocahuas ica Toteco Cati Quipiya Nochi Chicahualisti.
Huan na niquijtos ten TOTECO para yaya nechmocuitahuía ica ihueyi chicahualis.
Yaya noTeco Dios huan san ipan ya nimotemachía. |
|
| Salmos 31:23-24 | Nochi amojuanti cati aniaxcahua TOTECO,
xiquicnelica pampa yaya quinmocuitahuía cati itztoque temachme.
Pero ica masehualme cati mohueyimatij,
TOTECO quintaxtahuía hasta ica itanca nochi cati amo cuali quichijtoque.
Nochi amojuanti cati anmotemachíaj ipan TOTECO,
xipaquica huan ximosemacaca. |
|
| Salmos 32:10 | Amo cuajcualme quipantise miyac taijyohuilisti,
pero tojuanti cati timotemachíaj ipan TOTECO,
yaya techyahualojtoc ica itaicnelilis. |
|
| Isaías 30:18 | Pero TOTECO amechchiya xijtemoca para huelis amechnextilis iteicnelijcayo. Yaya quinequi amechtasojtas quej quiijtojtoc, pampa TOTECO, yaya se Dios cati senquisa quichihua cati xitahuac. Huajca ma paquica nochi masehualme cati motemachiyaj ipan ya para ma quinpalehui. |
|