Central Cuesoli

Mateo 11:28-30	Xihualaca campa na nochi amojuanti cati ansiyahuij huan antamamajtiyahuij etic, huan na nimechquixtilis amotamamal para ximosiyajquetzaca. Techcahuilica ma nieli niamoTeco huan xinemica nohuaya. Ximomachtica ten na, pampa na nijpiya noyolo. Amo nimohueyimati huan ica na anquipantise cati amoalma quitemohua para ma mosiyajquetzas. Amo ohui nopa tequit cati nimechmacas. Eltoc quej se tamamali cati amo etic.”
Salmos 119:28	Nichoca pampa tahuel nitaijyohuía. Techyolchicahua ica mocamanal.
Salmos 34:18	TOTECO itztoc ininechca masehualme cati motequipachohuaj. Huan quinmaquixtía cati motequipachohuaj ica inintajtacolhua.
Salmos 9:9-10	Nochi cati pilteicneltzitzi huelis motemachise ipan TOTECO huan yaya quinmocuitahuis. Huelis motatise ipan ya quema taijyohuíaj. Quena, TOTECO, nochi cati mitzixmatij motemachise ipan ta para tiquinpalehuis, pampa amo quema tiquintahuelcahuas cati mitztemohuaj.
Salmos 10:17	TOTECO, ta tijtacaquilía cati mitztajtaníaj teicneltzitzi. Tiquinfuerzajmaca huan tiquinpalehuía. Tiquinchihuilía cuenta quema mitztzajtzilíaj.
Salmos 142:1-3a	Chicahuac nijtzajtzilis TOTECO huan nijtajtanis ma nechtasojta. Iixpa ya nijpohuilía nochi cati nechtequipacholmaca. Quema eltoc quej nimisahuía ipan taohuijcayot, huan ayecmo nijmati taya nijchihuas, nijnojnotza.
Hebreos 4:16	Huajca ma timonechcahuica ica temachili campa mosehuijtoc Toteco cati nochi quinahuatía. Huan ma amo timajmahuica tijtajtanise itapalehuil, pampa temachti techtasojtas huan techpalehuis ipan ten hueli talojtzi quema más monequi pampa hueyi iyolo ica tojuanti.
Isaías 40:29-31	Yaya quinfuerzajmaca cati siyahuij huan quinmaca yancuic chicahualisti cati cuatij. Hasta telpocame quemantica siyahuij, huan nopa tacame cati sanoc moscaltíaj cuatij huan huetzij. Pero cati motemachíaj ipan TOTECO para quinpalehuis, mojmosta quipiyase fuerza. Ixtejcose chicahuac quej quipixtosquíaj ieltapal se cuatojti. Motalose chicahuac huan amo cuatise. Nejnemise huejca huan amo siyahuise.
Lamentaciones 3:22-26	Iteicnelilis TOTECO amo quema tamis. Pampa hueyi iyolo ica tojuanti, amo techtamitzontamiltijtoc. Se ijnaloc moyancuilía iteicnelilis. Nelía temachti TOTECO. Pero nimoyolilhui: “San TOTECO nijpiya, yeca ipan ya nimotemachis.” Nelía cuali TOTECO quinchihuilía cati ipan motemachíaj. Quena, cuali iyolo ica cati quitemohuaj. Monequi timotemachise huan amo timolinise iixpa. Ma san tijchiyase para ya ma techmaquixti.
Isaías 33:2	¡Ay TOTECO! Techicneli huan techtasojta tojuanti timomasehualhua pampa san ipan ta timochiyaj. Xieli tochicahualis mojmosta huan techpalehui quema huala se hueyi taohuijcayot.
Isaías 41:10	Amo ximajmahuica pampa na niitztoc amohuaya. Amo ximocuesoca pampa na niamoTeco. Nimechfuerzajmacas. Nimechpalehuis huan nimechmaitzquitos ica nonejmat cati ica nitatani.
Juan 16:33	Nimechilhuijtoc ama nochi ya ni para anquipiyase tasehuilisti ipan na. Ipan ni taltipacti anquipiyase taijyohuilisti huan tequipacholi, pero ximoyolchicahuaca pampa nijtantoc ni taltipacti.
Salmos 126:5-6	Cati tocaj ica choquisti, ica paquilisti pixcase. Quena, masque chocatiyase quema quitoctiyase inixinach, pero quema pixcatij huicatihualase ica paquilisti pampa ya quihualicase cati quipixcatose.
1 Corintios 10:13	Amo quema amechyoltilantoc yon se tajtacoli cati amo quinyoltilantoc sequinoc masehualme. Pero Toteco, yaya temachti, huan amo quicahuilis ma amechyoltilana se tajtacoli hasta campa ayecmo huelis anquiijyohuise. Nochipa ipan nopa talojtzi amechnextilis quenicatza huelis ancholose para amo antajtacolchihuase.
2 Corintios 1:3-4	Ma tijtascamatica Toteco Dios, yaya cati iTata Tohueyiteco Jesucristo. Yaya cati techtasojta huan talojtzitzi techyoltalía. Yaya techyoltalía ipan nochi nopa taohuijcayot cati techpanotihuala huan quej nopa quichihua para tojuanti nojquiya tihuelise tiquinyoltalise sequinoc cati itztoque ipan taohuijcayot san se quej Toteco techyoltalijtoc.

Ximomachti	Xijtemo Más	Xijcaqui	Xijtlachili
Salmos 142:1-3a Santiago 1:2-12 2 Corintios 4 Hebreos 4:14-16 Lamentaciones 3 Filipenses 4:4-9 Salmos 34 Salmos 25 Salmos 27