Occidental Conecuic

Salmos 139:13-16	Ta tijsencajqui sesen tlamantli catli onca iijtic notlacayo. Huan tijmotzquilti sesen tlamantli catli nijpiya, quema niitztoya iijtico nonana. Nimitztlascamati pampa techsencajqui ma nieli se tlamantli catli nelía cuajcualtzi. Quena, nopa tequitl catli tijchijqui quema techsencajqui onpano yejyectzi. San nijsentlachilía para nimoilhuis nochi catli tijchijtoc ipan notlacayo. Ta tijtlachiliyaya quema na nipejqui nimoscaltía nopona nel nimotlatijtoya tlen nochi sequinoc ipan iijtico nonana. Quema amo aqui más quitlachiliyaya, ta techchijchijqui ica mohueyi yajatil, quen se catli cuali quimati tlaxinepalohua.Ta techitac quema ayamo nitlacatiyaya. Huan quema ayamo nitlaijiyotilanayaya, tiquixquetzqui quesqui tonali niitztosquía. Huan sesen tonal catli niitztosquía huan tlaque nopantis, ta tiquijcuilo ipan molibro.
Juan 16:21-24	Quema se sihuatl quinequi quitlacatiltis icone, tlaijiyohuía pampa ajsic nopa hora para tlacuajcualoli, pero quema ya tlacatqui icone, ayacmo moilhuis sintla tlaijiyohui pampa nelía paqui para quiitas icone catli tlacatqui. San se elis ica amojuanti. Ama anmotequipachohuaj, pero sempa timoitase huan nelía anyolpaquise, huan amo aqui huelis anmechquixtilis amopaquilis. “Quema ajsis nopa tonali quema niitztos ihuaya Toteco, ayacmo tleno monequis antechtlajtlanise na. Nelía nimechilhuía ipan nopa tonali ya huelis anyase xitlahuac ica noTata huan nochi catli anquitlajtlanise ya ipan notoca [16:23 Ica notequiticayo.], yaya anmechmacas. Hasta ama ayamo tleno anquitlajtlanijtoque noTata ipan notoca [16:24 Ica notequiticayo.]. Pero ama xijtlajtlanica huan anquiselise para nelía anyolpactose.
1 Pedro 5:7	Xiquilhuica Toteco nochi amotequipachol huan xijcahuaca imaco, pampa yaya anmechmocuitlahuía.
Filipenses 4:6-7	Ayacmo ximotequipachoca ica niyon se tlamantli. Más cuali ximotlatlajtica ica Toteco ipan nochi catli anmechpanotihuala. Xijtlajtlanica ma anmechmaca nochi catli monequi huan xijtlascamatica ica nochi catli anmechchihuilijtoc. Sintla quej nopa anquichihuaj, Toteco anmechmacas se tlasehuilistli ipan amoyolo catli masehualme amo hueli quimachilise. Huan nopa tlasehuilistli quiyahualtzacuas amoyolo huan amotlalnamiquilis huan quinmocuitlahuis pampa Toteco anmechtlatzquiltijtoc ipan Cristo.
Jeremías 29:11	Pampa na nijmati cuali nopa tlamantli catli nijsencajtoc para amojuanti,” quiijtohua TOTECO. “Nijsencajtoc catli cuali huan amo catli fiero, para nochi quisas cuali para amojuanti teipa huan para anquiselise catli anquichiyaj.
Isaías 41:10	Huan Ismael quinitzqui iichpocahua nopa tlacatl catli achtihuiya eliyaya tlanahuatijquetl nopona. Nojquiya quinitzqui nochi nopa masehualme catli Nabuzaradán, nopa hueyi tlayacanquetl tlen soldados quincajtoya imaco Gedalías nopa gobernador para ma quinnahuati. Huan Ismael quinhuicac nochi nopa masehualme quen tetequipanohuani huan pejqui ipan ojtli para inintlal nopa amonitame.
Éxodo 20:13	Amo xitemictica.
Salmos 18:2	TOTECO, mopan ta nimotlatía pampa temachtli techmaquixtis. Techyahualohua para amo huelis nechajsise nocualancaitacahua. Taya tinotlamanahuijca. Ipan ta, noTeco Dios, nimotlatía, pampa na niitztoc momaco. Quena, san ipan ta nimotemachía. Ta techyahualohua para techmocuitlahuía. Taya tieli quen se huejcapantic tepancali catli cuali huan temachtli. Ica ta mochicahualis nitlatlanis.
Salmos 127:3-4	Toconehua itztoque se nemactli tlen TOTECO. Quena, catli tlacatij tlen totlacayo eltoc quen se tlatlancayotl. Nopa coneme catli se quinpiya quema noja se telpoca tlacatl, itztoque quen miyac cuatlamintli catli quintequihuía se soldado para ica momanahuis ipan tlahuilancayotl.
Romanos 8:28	Huan tijmatij nochi tlamantli catli techpanotihuala, masque cuali o amo cuali, nochi quisas cuali para tojuanti catli tiquicnelíaj Toteco, catli Toteco technotztoc para tiiaxcahua pampa quej nopa quitlalijtoya.
Mateo 18:5	Huan aqui quiselía se conetl ipan notoca [18:5 Pampa nechneltoca.] nechselía nojquiya.
Isaías 49:15	“¿Atlac se tenantzi hueli quitlahuelcahuas ipilcone? ¿Atlac amo quitlasojtla catli quitlacatilti? Masque se tenantzi huelisquía quielcahuasquía icone, na amo quema niquelcahuas altepetl Jerusalén, niyon amojuanti catli anehuani nopona.
2 Timoteo 1:7	Pampa nopa tonal catli Toteco techmacatoc amo anmechchihua ximajmahuica. Yaya techmaca chicahualistli. Techchihua ma tiquinicnelica masehualme huan ma tijpiyase cuali totlalnamiquilis.
Josué 1:7	San ximoyoltetili huan ximoyolchicahua. Ximomocuitlahui para tijchihuas nochi nopa tlanahuatilme catli notequipanojca Moisés mitzmacatejqui. Huan sintla tijchihua nochi quen catli eltoc ipan nopa tlanahuatilme, huajca nochi catli tijchihuas quisas cuali.
Filipenses 4:11-14	Amo nimechilhuía para nimotequipachohuayaya pampa nechpolohuayaya catli nechmonequilía. Ya nimomatqui para nijpiyas paquilistli ica tlen hueli catli nechpanotihuala. Nipaqui quema tlahuel pilquentzi nijpiya catli nechmonequilía huan nojquiya nipaqui quema nijpiya hasta mocahua. Nipaqui quema nimayana huan quema niixhuitoc. Nipactoc ica miyac o ica quentzi. Nochi nihueli nijchihua ica Cristo catli mojmostla nechmaca chicahualistli. Pero masque nipaqui ica catli onca, anquichijtoque cuali quema antechpalehuijque ipan ni tlaohuijcayotl.
Salmos 113:9	Yaya quichihua para nopa sihuatl catli amo quema conepixqui ma quinpiya iconehua huan ichaj. Quena, quichihua ma eli se tenantli catli senpactoc. ¡Paquilistli!
Salmos 128:1-6	Nelía paqui nopa masehuali catli quiimacasi huan quitlepanita TOTECO. Quena, paqui catli nemi xitlahuac ipan iojhui. Quiselis itlaxtlahuil pampa tequiti cuali. Yaya paquis miyac huan nochi catli quichihuas quisas cuali. Isihua paquis ipan ichaj. Yaya elis quen se cuali xocomeca tzontli catli achi más quimocuitlahuíaj huan catli temaca miyac itlajca. Quinpiyas miyac ininconehua catli mosehuise campa imesa huan quipiyase miyac chicahualistli. Quena, itztose quen olivo cuame catli nelía cuali. Quej nopa TOTECO quitiochihuas nopa tlacatl catli quiimacasi huan quitlepanita. TOTECO quitiochihuas tlen altepetl Sion. Quicahuilis para quiitas para nochi eltoc cuali ipan Jerusalén nochi tonali tlen inemilis. Quicahuilis para itztos hasta quinitas iixhuihua. ¡Toteco quimacas tlasehuilistli nopa tlali Israel!
Santiago 1:2-4	Noicnihua, xiquitaca para se hueyi paquilistli quema anmechpanotihuala tlaohuijcayotl. Anquimatij para tlaohuijcayotl quiyejyecohua amotlaneltoquilis huan quichihua para más xijpiyaca amoyolo para antlaijiyohuise. Huajca xijpiyaca amoyolo para cuali xiquijiyohuica nochi catli anmechpanotihuala para anelise quen catli moscaltijtoque huan motlacachijtoque ipan Toteco. Huan anquipiyase senquistoc cuali amotlalnamiquilis huan quej nopa amo tleno anmechpolos.
Romanos 5:3-5	Huan amo san nopa, nojquiya tijpiyaj paquilistli quema tijpanoj tlaohuijcayotl pampa tijmatij tlaohuijcayotl techpalehuía para achi más tijpiyase toyolo ica nochi tlamantli catli techpanotihuala. Huan sintla tijpiyaj toyolo, techmaca tetili para tijpiyase cuali toyolo. Huan nopa tetili techchihua para más timotemachise para tijselise nochi catli Toteco techtencahuilijtoc. Huan quema timotemachíaj ipan Toteco, yaya amo techcajcayahua. Temachtli tijselise nochi catli tijchiyaj pampa tijmatij tlahuel miyac Toteco techicnelía pampa techmacatoc Itonal Toteco para quitemitis toyolo ica itlaicnelijcayo.
2 Corintios 2:9	Achtihui quema nimechtlajcuilhui para xijtlatzacuiltica, nojquiya nijnequiyaya nimechyejyecos para niquitas sintla anquichihuasquíaj nochi catli nimechilhui o amo. Huan, quena, antechneltocaque.
Isaías 26:3-4	TOTECO, mojmostla tiquinmacas yoltlasehuilistli nopa masehualme catli motemachíaj ipan ta, nochi catli quisenhuiquilíaj mitztemohuaj. Yohuali tonali ximotemachica ipan TOTECO pampa san yaya TOTECO Catli Más Quipiya Tlanahuatili huelis anmechmanahuis para nochipa.
Salmos 27:13-14	Pero na cuali nijmati TOTECO nechmanahuis, huan sempa niquitas quenicatza cuali iyolo nohuaya ipan ni tlaltipactli campa niitztoc. Ximochiya ipan TOTECO. Ximotemaca huan ximoyolchicahua huan amo ximomajmati. Quena, ximotemachi ipan TOTECO.
Salmos 100:3	Xijmatica cuali para TOTECO, yaya Toteco Dios. Yaya techchijchijqui. Amo timochijchijtoque tojuanti. Tojuanti tiimasehualhua huan tiitztoque quen tiiborregojhua catli techpixtoc ipan ipotrero para techmocuitlahuis.

Ximomachti	Xijtemo Más	Xijcaqui	Xijtlachili
Salmos 127 Lucas 18:15-16 Mateo 18:1-5 Jeremías 1 Éxodo 2:1-10 Génesis 18:1-15, 21:1-7 1 Samuel 1:1-2:11 Marcos 10:13-16 Mateo 1:18-25 Lucas 1:5-2:21 Éxodo 21:22-25