Occidental Tejelnamijca camanali

2 Timoteo 2:16	Xiquincajtehua tlacame catli tlamachtíaj catli amo quinamiqui huan catli amo ipati, pampa ica inincamanal quinyacanaj masehualme ma quichihuaca más tlamantli catli amo quipactía Toteco.
Salmos 34:12-14	¿Tijnequi tiitztos ica yejyectzi? ¿Tijnequi tihuejcahuas ipan ni tlaltipactli, huan tiquitas catli cuali? Monequi xijmocuitlahuis monenepil para amo tiquinmahuispolos sequinoc ica istlacatili. Ximoiyocatlali ica catli amo cuali, huan xijchihua san catli xitlahuac. Xijchihuaca catli anhuelij para ma oncas tlasejseltili ininhuaya nochi masehualme. Quena, ya nopa xijtemoca ica nochi amoyolo.
Santiago 4:11-12	Noicnihua, amo ximotlaijilhuica se ica seyoc. Se acajya catli quitlaijilhuía iicni ipan Cristo huan quiijtohua amo cuali, quitlaijilhuía itlanahuatil Toteco catli techilhuía ma timoicnelica, huan quiijtohua nopa tlanahuatili amo cuali. Pero amo totequi para tijtlajtolsencahuase nopa tlanahuatili, huan tiquijtose sintla cuali o amo cuali. Tojuanti totequi para ma tijneltocaca catli nopa tlanahuatili technahuatía. Itztoc san setzi catli techmaca nopa tlanahuatili, yaya Toteco Dios, huan san yaya quipiya tequiticayotl para tetlajtolsencahuas. San ya hueli temaquixtis o tetzontlamiltis. Pero amojuanti, amo anquipiyaj tequiticayotl para anquintlajtolsencahuase sequinoc.
Proverbios 18:8	Icamanal se catli ichtacatzi mitzilhuis se camanali para quitlaijilhuis seyoc, eltoc quen se tlamantli ajhuiyac ipan mocamac, pero para catli quitlaijilhuía, calaqui hasta más ipan iyolijtic para quicocos.
Proverbios 26:20-22	Se tlitl sehuis quema amo quipiya cuahuitl, huan nojquiya tlamis cualantli campa amo aqui se catli tetlaijilhuía. Catli quipiya tlicoli catli totonic o catli quipiya tlitl nimantzi hueli quilemenaltis cuahuitl, huan se masehuali catli quipactía tlanajnanquilía nimantzi quipehualtía cualantli. Icamanal se catli ichtacatzi mitzilhuis se camanali para quitlaijilhuis seyoc, eltoc quen se tlamantli ajhuiyac ipan mocamac, pero para catli quitlaijilhuía, calaqui hasta más iyolijtic para quicocos.
Proverbios 16:28	Se tlacatl catli amo quitlepanita TOTECO quiyolitía cualantli. Huan se catli tetlaijilhuía quinxelohua catli monelhuampoxchijtoque.
Salmos 15:1-3	TOTECO, ¿ajqueya huelis calaquis ipan mochaj campa ta timocahua ipan motepe catli tlatzejtzeloltic? ¿Ajqueya huelis mocahuas nepa para tijmocuitlahuis? San calaquis ya catli amo aqui huelis quitelhuis ica niyon se tlamantli. Quena, san yaya catli quichihua catli cuali. Huelis yas san catli quiijtohua catli melahuac ica nochi iyolo, huan amo tetlaijilhuía. Itztotij nepa catli amo quimahuispolohua catli itztoc icalnechca, huan catli amo quinequi quinyolcocos sequinoc.
Efesios 4:29	Amo xicamanaltica tlen hueli camanali. San xiquijtoca tlamantli catli cuali catli quinyolchicahuas huan quinhualiquilis tlatiochihuali catli quicaquise.
Filipenses 4:8	Huan ama noicnihua, techtlacaquilica. San ya ni para nijtlamiltis ni tlajcuiloli. Ipan amotlalnamiquilis san ximonejnehuilijtinemica tlen tlamantli catli melahuac huan catli nochi quitlepanitaj. Ximonejnehuilica tlen nopa tlamantli catli xitlahuac huan catli tlapajpactic. Ximonejnehuilica tlen tlamantli catli tlapalehuíaj huan catli nochi masehualme quicualitaj. Quena, sintla anquicaquij tlen catli hueli tlamantli catli nelía cuali huan catli nochi masehualme quihueyitlalíaj, ipan ya nopa ximonejnehuilica.
Proverbios 20:19	Se catli quipactía tetlaijilhuía amo hueli quiajocui se camanali catli tijpohuilis ichtacatzi, huajca más cuali amo ximohuampoxchihua ihuaya.
Proverbios 11:13	Se catli tetlaijilhuijtinemi amo quema hueli quimati se camanali catli ichtacatzi huan amo teyolmelahuas. Pero se tlacatl catli temachtli quimati miyac tlamantli catli amo tematiltía.

Ximomachti	Xijtemo Más	Xijcaqui	Xijtlachili
Proverbios 16:23-24 Efesios 4:29-32 Lucas 6:37-38 Romanos 2:1-3 Gálatas 5:14-15 Santiago3:2-18 Proverbios 6:12-19 Salmos 19:14