| Proverbios 14:1 | Se sihuatl tlen tlalnamiqui mojmostla quisencahua ichaj para ma eli más cuali, pero se tlen huihuitic quixolehua ichaj ica tlen quichihua. |
|
| Proverbios 29:15 | Se conetl tlen quitlacahualtÃaj huan quihuitequij ica cuapipitztli quema quinamiqui, teipa elis tlalnamiqui. Pero se conetl tlen san quicahuilÃaj para ma quichihua tlen fiero quinequi, quinpinahualtis itatahua. |
|
| Proverbios 31:10-31 | Tlahuel ohui para tijpantis se sihuatl tlen cuali iyolo huan neltlalnamiqui. Se sihuatl queja nopa achi más ipati huan ax queja nopa piltetzitzi tlen más pajpatiyo. Ihuehue hueli motemachÃa ipan ya ica nochi iyolo. Huan nopa sihuatl quichihuas para ihuehue ma quipiya se yolistli tlen nelcuali. Mojmostla quichihuilis ihuehue tlen cuali huan quipalehuis.
Quitemos yoyomitl tlen lino huan tlen borregojme iniijhuiyo, huan tequitis chicahuac para quiijtzomas tlen moquentis ifamilia. Yajaya itztoc queja se cuaacali ipan hueyi atl. Ax majmahui para yas huejca para quitemos nopa tlacualistli tlen más cuali para tlen itztoque ipan ichaj. Se sihuatl tlen cuali mehua quema aya tlanesi para quisencahuas tlacualistli para ifamilia, huan para quinilhuis itlatequipanojcahua tlachque tequitl ma quichihuaca. Nopa sihuatl quitlachiliti se tlali huan quicohuas. Nopano quitocas se xocomeca mili ica tlen quitlantoc.
Nopa sihuatl quipiya imetz huan ima tlen tetic, huan quinelpactÃa tequitis. QuimocuitlahuÃa nopa tomi tlen imaco eltoc para quitequihuis cuali huan ica tlalnamiquili. Yajaya tequiti hasta tlahuel tlayohua. Quimalina borrego ichcatl huan quichihua hilera, huan quiilacatzohua ichtli.
Nochipa quinpalehuÃa tlen teicneltzitzi ica tlen quichijtoc ica ima huan quintemohua tlen tlaijiyohuÃaj para quinpalehuis.
Ax mocuesohua yonque tlasehuetzi pampa quinchihuilijtoc nochi ifamilia ininyoyo tlen tilahuac huan totonic. Yajaya quichijchihua tlaquemitl tlen yejyectzi para itlapech. MoyoyontÃa ica iyoyo tlen moradojtic huan lino tlen más patiyo tlen yajaya mochijchihuilijtoc.
Nochi tlacame quiixmatij ihuehue pampa quitlalijtoque se tequihuejquetl ipan caltlanahuatili ica sequinoc tlayacanani. Campa hueli nochi quitlepanitaj.
Nopa cuali sihuatl quichijchihua yoyomitl huan tzinquechilpicayotl tlen más cuali, huan quinnamaquiltÃa tlanamacani.
Nochi quimatij para nopa sihuatl quipiya miyac chicahualistli huan nochi quitlepanitaj. Yajaya ax momajmatÃa para elis nanatzi. Se cuali sihuatl camati ica miyac tlalnamiquilistli, huan tlamachtÃa ica miyac tlaicnelijcayotl. Ica miyac cuidado quitlachilÃa sesen piltlamantzitzi tlen quimonequilÃa ifamilia. Ax quema tlatzihui.
Iconehua huan ihuehue quitlascamatilÃaj. Yajuanti camatij cuali tlen ya huan quiilhuÃaj: “Miyac sihuame ipan ni tlaltepactli quichihuaj tlen cuali huan quipiyaj miyac yajatili, pero ta tiquinonpano nochi sequinoc.â€
Quena, iyejyejca se sihuatl ax huejcahuas huan se tlen nesi nelcuali huelis tecajcayahuas, pero se sihuatl tlen quitlepanita TOTECO, nochi tlacame quihueyichihuase para nochi iyolis. Ma quiselis tlatlepanitacayotl nopa cuali sihuatl ipampa nochi tlen cuali tlen quichihua. Huan ma quitlascamatilica nochi tlen quihuicaj tequihuejcayotl ipan ialtepe ipampa itequi tlen nelcuali. |
|
| Proverbios 29:17 | Xijxitlahua mocone huan huelis timosiyajcahuas huan ax timoyolcuesos ipampa ya. Quena, yajaya quichihuas para nelÃa tiyolpaquis. |
|
| II de Timoteo 3:16-17 | Toteco temacac nochi nopa Tlatzejtzeloltic Tlajcuiloli, huan quipiya itequi para techmachtÃa tlen melahuac huan techtlacahualtÃa quema tijchihuaj tlen ax monequi. Huan Itlajtol techtlalnamictÃa huan technextilÃa quejatza ma timonejnemiltica xitlahuac. Quena, Toteco techmacatoc Itlajtol para techcualtlalis nochi tojuanti tlen tiiaxcahua para huelis tijchihuase nochi tlen cuali. |
|
| IsaÃas 66:13 | Huan nopano ipan altepetl Jerusalén niquinyoltlalis notlacajhua queja se tenantzi quiyoltlalÃa ipilcone. |
|
| Proverbios 22:6 | Xijnextili mocone quema noja pilsiltzi para ma yohui ipan nopa ojtli tlen TOTECO quisencajtoc para ya. Huan quema yajaya huehuejtiyas noja nopano monejnemiltis. |
|
| Salmos 127 | Intla TOTECO ax quitlalana se cali tlen tlacame quichihuasnequij,
san tlapic inintequi tlen nopano tequitij.
Intla TOTECO ax quimocuitlahuÃa se altepetl,
san tlapic inintequi nopa tlacame tlen nopano tlamocuitlahuÃaj.
San tlapic inmehuase cualca para intequitise chicahuac huan ax inmosiyajcahuase hasta tlajcoyohual.
San tlapic para ica miyac cuesoli inquitemojtinemise imotlacualis huan san ya nopa inquimatise.
Pampa Toteco Dios quinequi ximotemachica ipan ya huan xicochica cuali.
Yajaya quinmacas nochi tlen quinicnelÃa nochi tlen monequi.
Toconehua itztoque se regalo tlen TOTECO.
Quena, tlen tlacatij tlen totlacayo eltoc queja se tlatlancayotl.
Nopa coneme tlen se quinpiya quema noja se telpoca tlacatl,
itztoque queja miyac cuatlamintli tlen quintequihuÃa se soldado para ica momanahuis ipan tlatehuijcayotl.
Cuali ipanti se tlacatl tlen quinpiya miyac iconehua.
Nopa tlacatl ax mopinahuas intla icualancaitacahua quitelhuÃaj iixtla se juez,
pampa nochi quitlepanitase tlen quinpiyas para ica momanahuis. |
|
| Proverbios 1:8-9 | Tinotelpoca, xijtlacaquili tlen motata huan monana mitzmachtÃaj, huan amo xijhuejcamajcahua inintlajtol. Pampa nochi tlen mitzmachtÃaj, mitzhualiquilis tlatlepanitacayotl. Elis nelcuali para ta queja se yejyectzi costli ipan moquechcuayo huan queja se corona ipan motzonteco. |
|
| Proverbios 6:20-23 | Notelpoca, xijtlepanita tlen motata huan monana mitzilhuijtoque. Amo xijcahua tlen mitzmachtijtoque. Ipan moyolo nochipa xijpixto inintlajtol. Ximoilhuijtinemi tlen quiijtojtoque queja timoilpilisquÃa inintlamachtil ipan moquechtla. Pampa inintlamachtil mitzyacanas campa hueli tiyas huan intla tijtoquilis tlen mitzilhuijtoque, ticochis cuali huan ica temachili. Ica ijnaloc quema tiisas tijcaquis inintlajtol tlen mitzconsejomacas. Pampa inintlajtol motatahua eltos queja se tlahuili tlen quitlahuilis moojhui. Quema se acajya mitztlacahualtÃa o mitztlalnamictÃa, yajaya mitznextilÃa se ojtli campa onca se cuali yolistli. |
|
| Salmos 113:9 | Yajaya quichihua para nopa sihuatl tlen ax quema conepixqui
ma quinpiya iconehua huan ichaj.
Quena, quichihua ma eli se tenantzi tlen senpactoc.
¡Paquilistli! |
|