Oriental Tlasehuilistli

Mateo 5:9	Xipaquica imojuanti tlen inquiyoltlalíaj cualantli, pampa Toteco inmechtocaxtis iniconehua.
Juan 14:27	“Nimechcahuilijtehua tlasehuilistli ipan imoyolo. Huan notlasehuilis tlen nimechmaca ax queja temacaj tlen itztoque ipan ni tlaltepactli. Amo ximocuesoca huan amo ximomajmatica.
Salmos 34:14	Ximoiyocatlali ica tlen ax cuali, huan xijchihua san tlen xitlahuac. Xijchihuaca tlen inhuelij para ma oncas tlasejseltili ininhuaya nochi tlacame. Quena, ya nopa xijtemoca ica nochi imoyolo.
Isaías 32:17-18	Huan pampa nochi quichihuase tlen xitlahuac, oncas tlasehuilistli huan nochi itztose ica temachili para nochipa. Huan queja nopa nochi notlacajhua itztose ica cuali huan itztose campa onca tlasehuilistli. Nochi itztose temachme huan campa hueli mosiyajcahuase.
Romanos 12:18	Hasta campa inhuelij, xiitztoca ica yejyectzi ica nochi tlacame.
Santiago 3:17-18	Pero nopa tlalnamiquilistli tlen Toteco temaca ax queja nopa. Tlacame tlen quipiyaj nopa tlalnamiquilistli tlen Toteco temaca, quichihuaj tlen senquistoc cuali. Tlayoltlalíaj huan teicnelíaj. Quipiyaj ininyolo. Tetlasojtlaj huan techihuilíaj tlen cuali. Tlen quipiyaj itlalnamiquilis Toteco, ax quinchicoicnelíaj tlacame, niyon ax quipiyaj ome ixayac. Huan campa ni tlacame yahuij onca tlasehuilistli pampa tlayoltlalíaj huan quichihuaj tlen cuali.
Isaías 26:3	TOTECO, mojmostla tiquinmacas yoltlasehuilistli nopa tlacame tlen motemachíaj ipan ta, nochi tlen quisenhuiquilíaj mitztemohuaj.
Romanos 15:13	Ma Toteco Dios ipan tlen timochiyaj, inmechmacas hueyi paquilistli, huan hueyi tlasehuilistli pampa inquineltocaj. Huan achi más ximotemachica ipan ya pampa Itonal Toteco inmechmacatiyas ichicahualis.
Salmos 4:8	Yeca na nimotecas ica paquilistli ipan noyolo huan ica cuali nicochis, pampa nijmati san ta, TOTECO, tinechmanahuía huan axaca huelis tleno nechchihuilis.
Juan 16:33	Nimechilhuijtoc ama nochi ya ni para inquipiyase tlasehuilistli nopan na. Ipan ni tlaltepactli inquipiyase tlaijiyohuilistli huan cuesoli, pero ximosemacaca pampa nijtlantoc ni tlaltepactli.
Romanos 8:6	Pampa intla timosenilhuíaj tlen totlajtlacolchijca nacayo quinequi, tijpantise miquistli. Pero intla timosenilhuise tlen Itonal Toteco quinequi, huajca tijpantise tlasehuilistli huan yolistli tlen yancuic.

Ximomachti	Xijtemo Más	Xijcaqui	Xijtlachili
1 Pedro 3:10-12 Hebreos 12:14 Proverbios 17:1 Proverbios 12:20 Salmos 85:10 Salmos 37 Marcos 9:50 Romanos 5:1-5 Romanos 14:19 Filipenses 4:4-9 Colosenses 3:15