Oriental Teijilnamijca tlajtoli

2 Timoteo 2:16	Xiquincajtehua tlacame tlen tlamachtíaj tlen ax quinamiqui huan tlen ax ipati, pampa ica inintlajtol quinyacanaj tlacame ma quichihuaca más tlamantli tlen ax quipactía Toteco.
Salmos 34:12-14	¿Tijnequi tiitztos ica yejyectzi? ¿Tijnequi tihuejcahuas ipan ni tlaltepactli, huan tiquitas tlen cuali? Monequi xijmocuitlahuis monenepil para ax tiquinmahuispolos sequinoc ica istlacatili. Ximoiyocatlali ica tlen ax cuali, huan xijchihua san tlen xitlahuac. Xijchihuaca tlen inhuelij para ma oncas tlasejseltili ininhuaya nochi tlacame. Quena, ya nopa xijtemoca ica nochi imoyolo.
Santiago 4:11-12	Noicnihua, amo ximotlaijilhuica se ica seyoc. Se acajya tlen quitlaijilhuía iicni ipan Cristo huan quiijtohua ax cuali, quitlaijilhuía itlanahuatil Toteco tlen techilhuía ma timoicnelica, huan quiijtohua nopa tlanahuatili ax cuali. Pero ax totequi para tijtlajtolsencahuase nopa tlanahuatili, huan tiquijtose intla cuali o ax cuali. Tojuanti totequi para ma tijneltocaca tlen nopa tlanahuatili technahuatía. Itztoc san setzi tlen techmaca nopa tlanahuatili, yajaya Toteco Dios, huan san yajaya quipiya tequihuejcayotl para tetlajtolsencahuas. San ya hueli temaquixtis o tetzontlamiltis. Pero imojuanti, ax inquipiyaj tequihuejcayotl para inquintlajtolsencahuase sequinoc.
Proverbios 18:8	Itlajtol se tlen ixtacatzi mitzilhuis se tlajtoli para quitlaijilhuis seyoc, eltoc queja se tlamantli ajhuiyac ipan mocamac, pero para tlen quitlaijilhuía, calaqui hasta más ipan iyolijtic para quicocos.
Proverbios 26:20-22	Se tlitl sehuis quema ax quipiya cuahuitl, huan nojquiya tlamis cualantli campa axaca se tlen tetlaijilhuía. Tlen quipiya tlicoli tlen totonic o tlen quipiya tlitl nimantzi hueli quilemenaltis cuahuitl, huan se tlacatl tlen quipactía tlanajnanquilía nimantzi quipehualtía cualantli. Itlajtol se tlen ixtacatzi mitzilhuis se tlajtoli para quitlaijilhuis seyoc, eltoc queja se tlamantli ajhuiyac ipan mocamac, pero para tlen quitlaijilhuía, calaqui hasta más iyolijtic para quicocos.
Proverbios 16:28	Se tlacatl tlen ax quitlepanita TOTECO quiyolitía cualantli. Huan se tlen tetlaijilhuía quinxelohua tlen monelhuampochijtoque.
Salmos 15:1-3	TOTECO, ¿ajqueya huelis calaquis ipan mochaj campa ta timocahua ipan motepe tlen tlatzejtzeloltic? ¿Ajqueya huelis mocahuas nepa para tijmocuitlahuis? San calaquis ya tlen axaca huelis quiteilhuis ica niyon se tlamantli. Quena, san yajaya tlen quichihua tlen cuali. Huelis yas san tlen quiijtohua tlen melahuac ica nochi iyolo, huan ax tetlaijilhuía. Itztoti nepa tlen ax quiistlacahuía tlen itztoc icalnechca, huan tlen ax quinequi quinyolcocos sequinoc.
Efesios 4:29	Amo tlen hueli xicamatica. San xiquijtoca tlamantli tlen cuali tlen quinyolchicahuas huan quinhualiquilis tlatiochihuali tlen quicaquise.
Filipenses 4:8	Huan ama noicnihua, xinechtlacaquilica. San ya ni para nijtlamiltis ni tlajcuiloli. Ipan imotlalnamiquilis, san ximoyolilhuijtinemica tlen tlamantli tlen melahuac huan tlamantli tlen nochi quitlepanitaj. Ximoyolilhuica tlen tlamantli tlen xitlahuac huan tlen tlapajpactic. Ximoyolilhuica nopa tlamantli tlen yejyectzi huan tlen nochi tlacame quicualitaj. Quena, ximoyolilhuijtinemica tlen tlamantli tlen tlapalehuía huan tlen nochi tlacame quicualitaj. Quena, intla inquicaquij tlen hueli tlamantli tlen nelía cuali huan tlen nochi tlacame quihueyitlalíaj, san ya ni ximoyolilhuica.
Proverbios 20:19	Se tlen quipactía tetlaijilhuía ax hueli quiajcocui se tlajtoli tlen tijpohuilis ixtacatzi, huajca más cuali amo ximohuampochihuas ihuaya.
Proverbios 11:13	Se tlen tetlaijilhuijtinemi ax quema hueli quimati se tlajtoli tlen ixtacatzi huan ax teyolmelahuas. Pero se tlacatl tlen temachtli quimati miyac tlamantli tlen ax tematiltía.

Ximomachti	Xijtemo Más	Xijcaqui	Xijtlachili
Proverbios 16:23-24 Efesios 4:29-32 Lucas 6:37-38 Romanos 2:1-3 Gálatas 5:14-15 Santiago3:2-18 Proverbios 6:12-19