Oriental Timochía ipan Toteco

Romanos 8:28	Huan tijmatij nochi tlamantli tlen techpanotihuala, yonque cuali o ax cuali, nochi quisas cuali para tojuanti tlen tiquicnelíaj Toteco, tlen Toteco technotztoc para tiiaxcahua pampa queja nopa quitlalijtoya.
Romanos 12:12	Xipaquica miyac para nochi tlen yejyectzi tlen techchiya nepa elhuicac. Xijpiyaca imoyolo quema intlaijiyohuíaj. Ica nochi imoyolo mojmostla ximomaijtoca ica Toteco.
Proverbios 3:5-6	Ximotemachi ipan TOTECO ica nochi moyolo. Amo xijtoquili san tlen motlalnamiquilis mitzilhuía. Ximoilhui tlachque ipaquilis TOTECO ipan nochi tlamantli tlen tijchihuasquía, huan yajaya mitzyacanas ipan se ojtli tlen xitlahuac.
Gálatas 6:9	Ma ax ticuesihuica para tijchihuase tlen cuali, pampa intla ax tijcahuase tijchihuaj tlen cuali, Toteco techtlaxtlahuis miyac quema ajsis tonal.
Salmos 25:14	TOTECO tiquinpohuilía tlen eltoc ipan moyolo inijuanti tlen mitztlepanitaj huan quiimacasij mitzixpanose. Quena, tiquinnextilía nochi tlen ininhuaya timocajtoc tlacame.
Salmos 27:13-14	Pero na cuali nijmati TOTECO nechmanahuis, huan sampa niquitas quejatza cuali iyolo nohuaya ipan ni tlaltepactli campa niitztoc. Ximochiya ipan TOTECO. Ximotemaca huan ximosemaca huan amo ximomajmati. Quena, ximotemachi ipan TOTECO.
1 Juan 5:14-15	Huan tijmatij temachtli intla tijtlajtlaníaj Toteco tlen quinamiqui ica tlen yajaya quinequi, yajaya techtlacaquilía. Huan intla tijmatij para temachtli techtlacaquilía nochi tlen tijtlajtlaníaj, tijmatij temachtli yajaya techmacas nopa tlen tijtlajtlanijtoque.
Salmos 10:17	TOTECO, ta tiquintlacaquilía tlen mitztlajtlaníaj teicneltzitzi. Tiquinfuerzajmaca huan tiquinpalehuía. Tiquinchihuilía cuenta quema mitztzajtzilíaj.
Isaías 30:18	Pero TOTECO inmechchiya inquitemose para huelis inmechnextilis iteicnelijcayo. Yajaya quinequi inmechtlasojtlas queja quiijtojtoc, pampa TOTECO, yajaya se Dios tlen senquistoc quichihua tlen xitlahuac. Huajca ma paquica nochi tlacame tlen motemachiyaj ipan ya para ma quinpalehui.
Isaías 42:16	Huan notlacajhua tlen popoyotzitzi, niquinyacanas ipan se ojtli tlen ax quema quiitztoque. Huan iniixtla nijchihuas para nopa tzintlayohuilotl ma mocuepa tlahuili. Nijchihuas nopa ojtli tlen elqui fiero ma elis sepantic huan xitlahuac iniixtla, huan ax quema niquintlahuelcahuas.
Salmos 40:1	Nijpixqui noyolo huan nimochixqui para TOTECO ma nechpalehuiqui. Huan yaja, quena, moechcapano huan nechtlacaquili quema nijnojnotzayaya.

Ximomachti	Xijtemo Más	Xijcaqui	Xijtlachili
Lamentaciones 3:21-26 Isaías 40:29-31 2 Corintios 4:16-18 Salmos 139 Salmos 40 Filipenses 4:4-9