Oriental Majmajtli

Salmos 34:4	Nijtzajtzili TOTECO ma nechpalehuiqui, huan yajaya nechtlacaquili huan nechmanahui tlen nochi tlen nechmajmatiyaya.
Juan 14:27	“Nimechcahuilijtehua tlasehuilistli ipan imoyolo. Huan notlasehuilis tlen nimechmaca ax queja temacaj tlen itztoque ipan ni tlaltepactli. Amo ximocuesoca huan amo ximomajmatica.
Salmos 56:3-4	Pero quema nijmati nimajmahui, na nimotemachía ipan ta. Nijhueyichihua Toteco Dios huan nimotemachía ipan ya para nechmanahuis queja nechtlajtolcahuilijtoc quichihuas ipan itlajtol. Huajca pampa nimotemachía ipan ya, ¿tlachque huelis nechchihuilis se tlacatl?
Salmos 56:10-11	Na nimotemachía ipan Toteco Dios. Quena, nimopaquilismacas ipan TOTECO itlajtol, ipampa nochi tlen nechtlajtolcahuilijtoc nechchihuilis. Quena, nimotemachía ipan Toteco Dios huan ax nimajmahui. ¿Tlachque huelis nechchihuilis se tlacatl?
Salmos 27:1-3	TOTECO nechtlahuilía huan nechmaquixtía. ¿Ajqueya ma niquimacasis? TOTECO yajaya nochicahualis, huan na niitztoc imaco. Axaca niquimacasis. Quema ax cuajcualme quinequise nechtehuise huan quinequise nechmictise, motepotlamise huan huetzise. Yonque nochi isoldados se hueyi tlali motlalanase noixtla, ax niyolmajmahuis. Yonque nechtehuise, na nimotemachijtos ipan TOTECO pampa yajaya itztoc nohuaya.
Mateo 10:28-31	Amo xiquinimacasica tlacame tlen quinequij inmechmictise, pampa san huelise quimictise imotlacayo huan ax tleno huelis quichihuilise imoalma. Monequi xiquimacasica san Toteco Dios pampa yajaya quipiya chicahualistli para quixolehuas imoalma huan imotlacayo nepa mictla. “Yonque pilquentzi ininpati piltototzitzi nica ipan tlaltepactli huan quinnamacaj ome para se centavo, yajuanti ipatij miyac iixtla Toteco hasta niyon se ax miqui intla Toteco ax quicahuilía. Pero ica imojuanti miyac más Toteco inmechmocuitlahuía hasta quimati quesqui imotzoncal inquipiyaj. Huajca amo ximomajmatica. Miyac más imopati iixtla Toteco que miyac totome.
Proverbios 3:21-26	Huajca notelpoca, xijpiya cuali tlalnamiquilistli huan xijtlacaquili ni tlalnamijca tlajtoli, ax quema xiquinilcahua, pampa nochi ni tlalnamiquilistli huan tlamachiltili mitzmacas se cuali yolistli. Quena, quiyejyecchihuas moyolis queja se costli quiyejyecchihuas se tlacatl ipan iquechcuayo. Intla tijpiyas tlalnamiquilistli huan ya nopa tijtoquilis, mitzpalehuis para tinejnemis ica temachili, huan ax timotepotlamis ipan moojhui. Quema timotecas para ticochis, ax timajmahuis. Timotecas huan ticochis nelía cuali. Quena, ticochis ica temachili. Ax monequi tiquimacasis para ipan tlen hueli tlalochtli hualas tlen fiero mopani queja quinajsi ax cuajcualme, pampa TOTECO mitzmacas temachili. Yajaya axaca quicahuilis para mitzmasiltis ipan se tlajtlacoli.
Salmos 23:4	Yonque ninemis ipan tzintlayohuilotl nechca miquistli, ax tleno niquimacasis, pampa ta, TOTECO, tiitztoc nohuaya. Ica mocuatopil tinechmanahuía ica tlen ax cuali. Huan ica mocuachijcol tlen huehueyac tinechtilana quema seyoc ojtli nijtoquilisnequi.
Josué 1:9	Pero nimitznahuatía ximoyoltetili huan ximosemaca. Amo ximajmahui, niyon amo ximocueso, pampa na, nimoTECO Dios, niitztos mohuaya campa hueli campa tinentinemis.”
2 Timoteo 1:7	Pampa nopa tonaltzi tlen Toteco techmacatoc ax techchihua ma timajmahuica. Yajaya techmaca chicahualistli. Techchihuilía ma tiquinicnelica tlacame huan ma tijpiyase cuali totlalnamiquilis.
Isaías 43:1-2	Pero ama, israelitame, quej ni inmechilhuía TOTECO tlen inmechchijchijqui: “Amo ximajmahuica pampa na nimechcojqui para nimechmalacanis tlen tlatequipanojcayotl. Nimechnotzqui sesen imojuanti ica imotoca. Innoaxcahua. Quema inpanose ipan cuesoli queja se atl tlen huejcatla, na niitztos imohuaya. Quema inquipanose tlaohuijcayotl tlen eltoc queja se hueyi atemitl, ax inmechatzonpolihuiltis. Huan quema inpanose ipan se tlaijiyohuilistli queja se tlitl, ax inmechtlatis.
Proverbios 29:25	Tlen más quinimacasij tlacame huan ax TOTECO mocalaquíaj ipan se tlaquetztli, pero tlen motemachíaj ipan TOTECO itztose ica temachili.
Proverbios 3:5-6	Ximotemachi ipan TOTECO ica nochi moyolo. Amo xijtoquili san tlen motlalnamiquilis mitzilhuía. Ximoilhui tlachque ipaquilis TOTECO ipan nochi tlamantli tlen tijchihuasquía, huan yajaya mitzyacanas ipan se ojtli tlen xitlahuac.

Ximomachti	Xijtemo Más	Xijcaqui	Xijtlachili
Salmos 27 Salmos 23 Juan 14:15-27