Oriental Tlascamatili

1 Tesalonicenses 5:16-18	Xipaquica mojmostla. Ximomaijtojtinemica ica Toteco ajachica. Xijtlascamatica Toteco ipan nochi tlamantli tlen inmechpanotihuala pampa queja nopa Toteco quinequi xijchihuaca nochi imojuanti tlen initztoque iniaxcahua Cristo Jesús.
Salmos 118:28-29	Pampa yajaya noTeco Dios, yeca nijtlascamati huan nijhueyimati. ¡Xijtlascamatica TOTECO pampa yajaya nelía cuali! Iteicnelijcayo ax quema tlamis.
Salmos 118:24	Ni nopa tonali tlen TOTECO quichijqui. Ma tipactoca ipan ni tonali.
Proverbios 15:15	Se tlacatl tlen yolcuesihui quiita nochi tonali para nelfiero, pero se tlen yolpactoc, mojmostla quiita queja elisquía ilhuitl.
Colosenses 3:17	Huan nochi tlen inquichihuaj huan nochi tlen inquiijtohuaj, xijchihuaca pampa inquineltocaj Tohueyiteco Jesús huan iniaxcahua. Huan nochipa xijtlascamatica Toteco Totata ipan Cristo.
Salmos 107:1	¡Xijtlascamatica TOTECO pampa yajaya nelía cuali! ¡Iteicnelilis ax quema tlamis!
Efesios 5:19-20	Huajca queja nopa inmocamahuise se ica seyoc nopa cuajcuali tlajtoli tlen ijcuilijtoc ipan Salmos, huan ica tiohuicatl huan huicatl tlen quisa ipan imoyolo. Quena, inhuicase huan inquipaquilismacase Toteco ica nochi imoyolo. 20Huan nochipa xijtlascamatica Toteco Totata ipan itoca Tohueyiteco Jesucristo para nochi tlamantli tlen inmechpanotihuala.
Salmos 100:4-5	Quema ticalaquij ipan itiopa, ma tijtlascamatica miyac. Huan quema tinemij icalixpa, ma tihuicaca. Quena, ma tijtlascamatica huan ma tijpaquilismacaca. Pampa TOTECO yajaya nelía cuali. Nochipa teicnelía huan tetlasojtla. Yajaya itztos temachtli para nochipa ica nochi tlacame tlen tlacajtihualahuij.
Hebreos 12:28-29	Huajca pampa tijselise se altepetl tlen ax hueli mojmolinía, ma tijtlascamatica Toteco. Nojquiya ma tijtequipanoca ica nochi toyolo, ma tijpaquilismacaca huan ma tijhueyichihuaca ica miyac majmajtli huan tlatlepanitacayotl, pampa Toteco yajaya temajmati queja se tlitl tlen quitlamitlatía nochi tlen onca.
Colosenses 2:6-7	Queja inquiselijque Tohueyiteco Jesucristo pampa inquineltocayayaj, ama queja nopa xinemica ihuaya. Huan ximocahuaca inmotlatzquilijtoque ipan ya. Queja inelhuayo se cuahuitl monequi ma motlatzquili huejcatla, imojuanti nojquiya ximotlatzquilica ipan Cristo huan xijcahuaca para yajaya ma inmechchihua senquistoc intemachme ipan tlen inquineltocaj queja timechmachtijtoque. Huan nochipa xijtlascamatica miyac Toteco ica nochi imoyolo para nopa tlen inmechchihuilijtoc.

Ximomachti	Xijtemo Más	Xijcaqui	Xijtlachili
Filipenses 4:4-9 Colosenses 3:15-17 Lucas 17:11-19 Salmos 23 Salmos 107 Salmos 95 Salmos 100 Colosenses 1:9-14 Salmos 105:1-4 Salmos 118 Salmos 136