OrientalTlamachtili para tetatme |
| Proverbios 22:6 | Xijnextili mocone quema noja pilsiltzi para ma yohui ipan nopa ojtli tlen TOTECO quisencajtoc para ya. Huan quema yajaya huehuejtiyas noja nopano monejnemiltis. |
| Colosenses 3:21 | Xitlacaquica imojuanti tlen inquinpiyaj imoconehua. Amo xiquincualancamacaca imoconehua para ma ax mocuesose. |
| Proverbios 22:15 | Se oquichpil quichihua miyac tlamantli tlen huihuitic ipampa nopa huihuiyotl tlen eltoc ipan iyolo, pero tlen quitlalnamictÃa ica se cuapipitztli quiquixtilis ihuihuiyo. |
| Deuteronomio 4:9 | “Huajca xijpiyaca cuidado huan xijmocuitlahuica miyac imoyolo. Amo xiquilcahuaca niyon se tlamantli tlen inquiitztoque ica imoixtiyol. Ma mocahua ipan imoyolo huan ipan imotlalnamiquilis nochi tonali hasta inmiquise. Huan xiquinpohuilica imoconehua huan imoixhuihua nochi huejhueyi tlamantli tlen TOTECO techchihuilijtoc. |
| Proverbios 13:24 | Se tlacatl tlen ax quitlacahualtÃa icone quema quichihua tlamantli tlen ax cuali, quinextÃa para ax quiicnelÃa. Pero aqui nelÃa quiicnelÃa icone, pehua quixitlahua quema noja pilsiltzi. |
| Salmos 127 | Intla TOTECO ax quitlalana se cali tlen tlacame quichihuasnequij, san tlapic inintequi tlen nopano tequitij. Intla TOTECO ax quimocuitlahuÃa se altepetl, san tlapic inintequi nopa tlacame tlen nopano tlamocuitlahuÃaj. San tlapic inmehuase cualca para intequitise chicahuac huan ax inmosiyajcahuase hasta tlajcoyohual. San tlapic para ica miyac cuesoli inquitemojtinemise imotlacualis huan san ya nopa inquimatise. Pampa Toteco Dios quinequi ximotemachica ipan ya huan xicochica cuali. Yajaya quinmacas nochi tlen quinicnelÃa nochi tlen monequi. Toconehua itztoque se regalo tlen TOTECO. Quena, tlen tlacatij tlen totlacayo eltoc queja se tlatlancayotl. Nopa coneme tlen se quinpiya quema noja se telpoca tlacatl, itztoque queja miyac cuatlamintli tlen quintequihuÃa se soldado para ica momanahuis ipan tlatehuijcayotl. Cuali ipanti se tlacatl tlen quinpiya miyac iconehua. Nopa tlacatl ax mopinahuas intla icualancaitacahua quitelhuÃaj iixtla se juez, pampa nochi quitlepanitase tlen quinpiyas para ica momanahuis. |
Ximomachti | Xijtemo Más | Xijcaqui | Xijtlachili |
| Salmos 78:1-8 Marcos 10:13-16 Proverbios 1:8-9 Salmos 128 2 Timoteo 3:14-17 |